[品味人間]
一肚氣之選！
經過淘大，見有新舖食韓燒，見有位，就試下。點知中伏！！
揀左兩個拼盤，牛同海鮮。牛嗰個有牛肋骨，牛小排等等，不過每一款都係同一個味。。。失望！仲要係得個甜味. 至於海鮮，menu 張相就幾靚，點知個真身好似一堆垃圾咁，d 蠔同蜆未煮已經縮細哂收哂水，唔新鮮啦！其他望落去都唔開胃！真心覺得好耐未見過d 幾百蚊野食present 成咁囉！好失望！可能佢地唔知香港已經有商品説明條例。。。
心諗，無法子啦，唯有食d 啦。點知個抽氣出哂事，完全係零抽氣零抽煙！d 煙喺咁噴埋塊面到，勁難受！勁辛苦！我以為去左做facial 蒸面等做mask 囉！同waiter 及manager 講，佢地郁下條抽氣喉，敷衍了事！完全幫唔到手！仲要10 min 搞左四次都唔得。。。仲話換塊bbq 板應該ok, 我O 哂嘴！抽唔到煙同氣，關塊板咩事呢？！問佢地，乜都話應該得，點知樣樣都唔ok。。。隔離枱情況也不好，佢地個小妹妹俾煙吹到流哂眼淚。。。
除了抽氣抽煙出事，個bbq 板又唔ok。燒一件牛已經燒焦哂，好似食炭咁。。。我想影底佢，但佢地已經用手遮掩住拎走左。。。成間店，好勁燶味，好幾枱都身受其害！問佢地有冇test 下d 工具先開張，一味話d 野由韓國新訂返嚟，係好高級的工具咁, 跟住又話可能係喺另一間舖拎過嚟用，可能唔係太合適。。。自相矛盾！
嗰D員工一味叫我地食啦無問題，好不負責任！無同理心！要我地食鑊屎，仲要一路食一路蒸眼同面，真係好enjoy 吖！！！
我地最後要求void 單，佢地肯，唯一叫做正常之地方！
臨走我地要求佢地公司卡片及hotline, 個男經理眼超超，唔肯講同俾。擾攘一陣先就範。
如果要俾錢，要大概HKD 850. 呢個價位，大把choices囉！絕對不會再光顧！亦不會介紹朋友！
認真要小心黑店！
邊樹？！
答案。。。
Kim’s Spoon, 淘大三期商場3/f
Search